11 May شرپسند عناصر کی پرتشدد کارروائیوں کے خلاف پنجاب پولیس متحرک ، سرکاری و نجی اداروں پر حملوں، توڑ پھوڑ ، جلاؤ گھیراؤ میں ملوث 1280 سے زائد شرپسند عناصر گرفتار کر لئے گئے

پنجاب بھر میں سرکاری و نجی اداروں پر حملوں، توڑ پھوڑ ، جلاؤ گھیراؤ میں ملوث 1280 سے زائد شرپسند عناصر گرفتار کر لئے گئے، پرتشدد کاروائیوں میں پنجاب بھر میں 145 سے زائد افسران واہلکار شدید زخمی ہوئے، مختلف شہروں سمیت لاہور میں 63،راولپنڈی 28 ، فیصل آباد 21 اور اٹک میں 10 افسران و اہلکار زخمی ہوئے، گوجرانوالہ میں 13 ، سیالکوٹ میں 05 اور میانوالی میں 06 افسران و اہلکار زخمی ہوئے جب کہ پنجاب پولیس کے زیر استعمال 60 گاڑیوں کی توڑ پھوڑ اور نذر آتش کیا گیا، نجی و سرکاری گاڑیوں سمیت لاہور میں 17، گوجرانولہ 03، فیصل آباد 13، سیالکوٹ 5، راولپنڈی 18،بھکر 02،اٹک میں ایک گاڑی کو نقصان پہنچایا گیا،،اس سلسلے میں آئی جی پنجاب نے تمام شرپسند عناصر کو ٹریس کرکے گرفتار کرنے کا حکم دیا ہے . آئی جی پنجاب کا کہنا ہے کہ سرکاری و نجی املاک، پولیس ٹیموں پر حملوں ، پر تشدد کاروائیوں میں ملوث شرپسند کسی رعایت کے مستحق نہیں۔