26 May جس پاکستان پرکیپٹن کرنل شیر خان جیسے بہادر سپاہی قربان ہوئے آج وہ نااہل حکمرانوں کی وجہ سے بدامنی کا شکار ہے. امیر جماعت اسلامی

یوم تکریم شہداپاکستان کے حوالے سے جماعت اسلامی کی وفاقی دارالحکومت میں ریلی ، امیر جماعت اسلامی پاکستان سراج الحق کی ریلی میں شرکت ، کارکنوں نے گل پاشی کی اور والہانہ استقبال کیا، اس موقع پر خطاب کرتے ہوئے امیر جماعت اسلامی سراج الحق کا کہنا تھا کہ شہیدوں نے جس پاکستان کی خاطر قربانیاں دیں آج کس کی وجہ سے بدامنی ہے ، پاکستان میں امن و انصاف نہیں ہے ،،پاکستان میں بے روزگاری عام ہے، 11 کروڑ لوگ غربت سے نیچے زندگی گزارنے پر مجبور ہیں ، 7 کروڑ نوجوان بے روزگار ہیں، آج عدالتوں میں انصاف نہیں، تعلیمی اداروں میں آج کوالٹی ایجوکیشن نہیں
امیرجماعت اسلامی پاکستان کا کہنا تھا کہ ملک میں بداَمنی پارٹیاں بدلنے والے ٹولے کی وجہ سے ہے، پارٹیاں بدلنے والا ٹولہ کبھی پی ٹی آئی تو کبھی پی ڈی ایم کی صورت میں ملک پر مسلط ہوا، ان لوگوں نے پاکستان کے ساتھ ظلم کیا۔ ایک دوسرے پر الزام لگانے سے ملک ترقی نہیں کرے گا ، پی ٹی آئی کہتی رہی ہم مسلم لیگ کا گند صاف کرتے رہے، اب پی ڈی ایم کہتی ہے ہم پی ٹی آئی کا گند صاف کر رہے ہیں ، یہ سارا گند اِن پی ڈی ایم اور پی ٹی آئی کی وجہ سے ہے ، پی ٹی آئی اور پی ڈی ایم کی لڑائی ملک کی ترقی کیلیے نہیں ہے، ان سب وزیروں کی لڑائی اپنے مفادات کے لیے ہے،سراج الحق نے کہا کہ لوگ مجھے کہتے ہیں آپ کے پاس بلٹ پروف گاڑی کیوں نہیں، کہتا ہوں ملک کے 22 کروڑ عوام غیر محفوظ ہیں ہم بلٹ پروف گاڑی میں کیسے سفر کر سکتے ہیں، سب مسائل کا حل صرف اور صرف جماعت اسلامی ہے، اسلام آباد میں اسٹیبلشمنٹ سے پوچھتا ہوں سیاسی مردہ لاشیں شہباز شریف، زرداری اور عمران خان کی صورت میں کیوں ملک پر بار بار مسلط کرتے ہو ، اب کب تک مصنوعی آکسیجن کے ذریعے ان سیاسی مردہ لاشوں کو زندہ رکھنا چاہتے ہیں، پاکستان کی فوج پاکستان کی ہے۔ پاکستان کی فوج 24 کروڑ عوام کی ہے، عوام کو شفاف انتخابات کے ذریعے اختیار دیا جائے وہ اپنی نمائندہ حکومت لے آئیں، پاکستان کو ختم کرنے والوں سے کہتا ہوں آپ اس ملک کو ختم نہیں کر سکتے ، ہم اس ملک کی ترقی کیلیے کسی قربانی سے دریغ نہیں کریں گے