31 Mar شیخوپورہ ڈی ایچ کیو ہسپتال میں میگا کرپشن کا بڑا سکینڈل سامنے آگیا

شیخوپورہ کے ڈی ایچ کیو ہسپتال کے ایم ایس ڈاکٹر فرجاد بٹ نے صحت سہولت کارڈ میں مبینہ کرپشن کا سکینڈل سامنے آنے پر فوری نوٹس لیتے ہوئے انکوائری کا حکم دے دیا ہے، ایم ایس نےصحت سہولت کارڈ سے خریدی جانے والی ادویات میں مبینہ کرپشن پر کمیٹی تشکیل دے دی ہے ، افسران اور فارماسسٹ مریضوں کے لیے صحت سہولت کارڈ سےخریدی جانے والی ادویات بازار سے مہنگے داموں خریدتے رہے، صحت سہولت کارڈ کی ادویات سے بچائےجانے والے پیسوں سے ہسپتال کے لیے فرنیچر اور دیگر چیزوں کے بل بنوائے گئے ، افسران اور فارماسسٹ ڈاکٹرز کی جانب سے مریضوں کے لیے لکھی جانے والی ادویات کی تعداد کم اور زیادہ کرکے ماہانہ لاکھوں روپے کی مبینہ کرپشن کرتے رہے