03 Mar ایف آئی اےنےلیبیا کشتی حادثے میں ملوث منظم گینگ کے دو ملزم کھاریاں سے گرفتارکرلیے

ایف آئی اے کمپوزیٹ سرکل گجرات نےلیبیا کشتی حادثے میں ملوث منظم گینگ کے دو ملزمان کو گرفتار کر لیا، گرفتار ملزموں میں راجہ راحیل اور سفیان شامل ہیں جن کا تعلق گجرات سے ہے، اُنہیں کھاریاں سے گرفتار کیا گیا، افسوسناک واقعہ سے پہلے ملزمان لیبیا کشتی حادثے کا شکار افراد کے لواحقین سے پیسے وصول کرتے تھے اور گینگ کے سرغنہ کو ٹرانسفر کرتے تھے جس کے بعد اگلی منزل کا تعین کیا جاتا تھا.

ڈائریکٹرجنرل ایف آئی اے نے بھی گزشتہ روز نوٹس لیتے ہوئے انسانی اسمگلروں کے خلاف سخت کارروائی کا حکم دیا تھا۔ملزمان کو گرفتار کر کے تحقیقات کا آغاز کردیا گیا اور دیگر ملزمان کی گرفتاری کے لئے چھاپے مارے جا رہے ہیں۔