31 May دھان کے کاشتکار فی ایکڑ زیادہ پیداوار کے لئے منظور شدہ اقسام کا بیج استعمال کریں

رواں سال صوبہ پنجاب میں دھان کی فصل کی کاشت کا ہدف 50 لاکھ ایکڑ مقررکیا گیا ہے جب کہ دھان کا پیداواری ہدف49 لاکھ40 ہزار ٹن مقرر کیا گیا ہے، کاشتکاروں کودھان کی پیداوار میں اضافہ کے قومی منصوبہ کے تحت منتخب منظور شدہ اقسام کے تصدیق شدہ بیج پر سبسڈی فراہم کی جا رہی ہے،،دھان کے کاشتکار فی ایکڑ زیادہ پیداوار کے لئے منظور شدہ اقسام کا بیج استعمال کریں، ترجمان محکمہ زراعت کا کہنا ہے کہ گزشتہ چند برسوں کے دوران صوبہ پنجاب میں دھان کے زیر کاشت رقبے میں 6.7 فیصد اضافہ ریکارڈ کیا گیا ہے
دھان کی منظور شدہ دہ اقسام میں باسمتی اقسام پر (20کلوگرام) فی بیگ پر 1500روپے اورغیر باسمتی اقسام پر 1000روپے سبسڈی دی جارہی ہے، ترجمان محکمہ زراعت کا کہنا ہے کہ کاشتکار دھان کی غیر ممنوعہ اقسام ہر گز کاشت نہ کریں۔